Fréttir

Borgarafundur um brennisteinsvetnismengunina frá jarðhitavirkjunum OR

   24.5.2014

Nokkur íbúasamtök, umhverfisverndarfélög, foreldrafélag og Astma- og ofnæmisfélag Íslands efna til borgarafundar um brennisteinsvetnismengun frá jarðhitavirkjunum Orkuveitu Reykjavíkur. Fulltrúar allra framboða í komandi borgarstjórnarkosningum hefur verið boðið að taka þátt í pallborðsumræðum um stefnu framboðanna á þessu sviði, en Reykjavíkurborg er aðaleigandi Orkuveitu Reykjavíkur.

Yfirskrift fundarins er: Brennisteinsvetnismengun - eru heilsa okkar og fjármunir í hættu? Hann verður haldinn í Norðlingaskóla þriðjudaginn 27. maí kl. 19.30. Húsið opnar kl 19.00. Fundarstjóri verður Svavar Halldórsson.

Frá árinu 2006 hefur styrkur brennisteinsvetnis í andrúmslofti á höfuðborgarsvæðinu og nágrenni aukist mjög. Vitað er að brennsteinsvetni hefur áhrif á ýmis konar rafeindabúnað og byggingarefni og einnig eru vísbendingar um að það hafi áhrif á heilsu fólks. Orkuveita Reykjarvíkur hefur ekki tekið málið föstum tökum og síðustu tíu ár hafa jarðhitavirkjanir Orkuveitunnar losað um 200 þúsund tonn af brennisteinsvetni út í andrúmsloftið.

Að fundinum standa:

  • Íbúasamtök Norðlingaholts
  • Íbúasamtök Árbæjar, Ártúnsholts og Seláss
  • Íbúasamtök Grafarholts
  • Íbúasamtök Grafarvogs
  • Íbúasamtök Mosfellsbæ
  • Foreldrafélag Waldorfskólanna á Lækjarbotnum
  • Landvernd umhverfisverndarsamtök
  • Náttúruverndarsamtök Suðvesturlands
  • Astma- og ofnæmisfélag Íslands
perlan     perlan    

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

2020-Halendi-islands-Chris-Burkard.jpg
Landvernd styður hugmyndir um Hálendisþjóðgarð og Þjóðgarðastofnun
Landvernd styður hugmyndir um Hálendisþjóðgarð og Þjóðgarðastofnun en nauðsynlegt er að koma í veg fyrir uppbyggingu orkuvera og miðlunarlóna á hálendinu enda skerðir það verðmæti svæðisins og er í trássi við náttúruverndarlög og alþjóðlegar skilgreiningar á þjóðgörðum.