Fréttir

Efni aðalfundar 2011 - Umgengni við landið

Landvernd    18.5.2011
Landvernd

Nú líður að aðalfundi Landverndar sem haldinn verður að Nauthóli í Nauthólsvík fimmtudaginn 26. maí kl. 16.00 og opnar húsið kl. 15.45.
Í kjölfar venjulegra aðalfundarstarfa verður boðið upp á hringborðsumræður þar sem sjónum verður beint að UMGENGNI VIÐ LANDIÐ. Á mörgu er að taka og vonast stjórn og starfsmenn Landverndar til að með hjálp fundargesta verði hægt að varpa ljósi á brýnustu verkefnin og leiðir til úrlausna. Landvernd hvetur náttúruverndarfólk eindregið til að fjölmenna á fundinn og taka þátt í hringborðsumræðum.
Á aðalfundi verður kosið til stjórnar og eru fimm í kjöri sem endranær, þar af fjórir stjórnarmenn, auk formanns. Auk þess kýs aðalfundur skoðunarmenn reikninga. Þau Heiðrún Guðmundsdóttir, Tryggvi Felixson og Þóra Ellen Þórhallsdóttir hafa verið skipuð í uppstillingarnefnd aðalfundar. Sjá nánar hér að neðan.
Þeir sem vilja koma ábendingum á framfæri við uppstillingarnefnd geta sent skilaboð á netfangið landvernd@landvernd.is. Ábendingar þurfa að berast eigi síðar en sunnudaginn 22. maí. Farið verður með allar ábendingar sem trúnaðarmál.
Við minnum á að til þess að öðlast atkvæðisrétt á aðalfundi þurfa félagar og aðildarfélög að hafa greitt árgjaldið 2010-2011.

Frá uppstillingarnefnd vegna aðalfundar 2011

Ársskýrsla Landverndar 2010-11

Vinsamlegast skráið þátttöku í síma 552 5242 eða sendið tölvupóst á landvernd@landvernd.is
Fundurinn er öllum opinn og nýir félagar eru velkomnir.

Drög að dagskrá aðalfundar 2011!

Stjórn og starfsfólk Landverndar hlakkar til að sjá ykkur á aðalfundinum!

P.s. Landvernd er með síðu á Facebook. Með því að smella á "Like" getur þú gerst áskrifandi að örfréttum um hin ýmsu náttúruverndarmál: www.facebook.com/Landvernd.umhverfisverndarsamtok

 

 

Tögg

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

2020-Halendi-islands-Chris-Burkard.jpg
Landvernd styður hugmyndir um Hálendisþjóðgarð og Þjóðgarðastofnun
Landvernd styður hugmyndir um Hálendisþjóðgarð og Þjóðgarðastofnun en nauðsynlegt er að koma í veg fyrir uppbyggingu orkuvera og miðlunarlóna á hálendinu enda skerðir það verðmæti svæðisins og er í trássi við náttúruverndarlög og alþjóðlegar skilgreiningar á þjóðgörðum.