Fréttir

Matsáætlun vegna rannsóknaborana í Eldvörpum

Landvernd sendi á dögunum athugasemdir til Skipulagsstofnunar við tillögu að matsáætlun vegna rannsóknaborana í Eldvörpum. Samtökin ítrekuðu fyrra álit sitt á því að ekki bæri að hrófla við Eldvörpum, en bentu jafnframt á mikilvægi þess að rannsóknaboranir valdi sem minnstu raski verði af þeim á annað borð.

Í áliti sínu lagði Landvernd sérstaka áherslu á að rökstyðja þurfi betur fjölda borhola, ekki síst í ljósi þess að ef ekki verður af nýtingu á svæðinu, þá er enn mikilvægara að raska því sem minnst með rannsóknaborholum. Þá telja samtökin að rökstyðja þurfi betur það álit framkvæmdaraðila að ekki sé líklegt að hægt verði að nota borplan sem þegar er á svæðinu, en Landvernd leggur mikla áherslu á að fundnar verði leiðir til þess. Samtökin beina því til Skipulagsstofnunar að stofnunin geri athugasemdir við þessi atriði í matsætlun HS Orku. Umsögn Landverndar má finna í heild sinni hér að neðan. 

Umsogn Landverndar_Tillaga ad matsaaetlun rannsoknaborana i Eldvorpum_4feb2013
Tögg
Eldvorp Ellert Gretarsson     Eldvorp Ellert Gretarsson    

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

2020-Halendi-islands-Chris-Burkard.jpg
Landvernd styður hugmyndir um Hálendisþjóðgarð og Þjóðgarðastofnun
Landvernd styður hugmyndir um Hálendisþjóðgarð og Þjóðgarðastofnun en nauðsynlegt er að koma í veg fyrir uppbyggingu orkuvera og miðlunarlóna á hálendinu enda skerðir það verðmæti svæðisins og er í trássi við náttúruverndarlög og alþjóðlegar skilgreiningar á þjóðgörðum.