Fréttir

Orkunýtingarflokkur, biðflokkur eða verndarflokkur?

Landvernd    11.10.2011
Landvernd

Laugardagsfundur Landverndar í Farfuglaheimilinu í Laugardal 15. október kl. 11:00.
Landvernd boðar til opins fundar um drög að þingsályktunartillögu um vernd og orkunýtingu náttúrusvæða. (www.rammaaaetlun.is). Í drögum iðnaðarráðherra og umhverfisráðherra er gert ráð fyrir skiptingu svæða í orkunýtingarflokk, biðflokk og verndarflokk.
Á laugardagsfundinum mun Friðrik Dagur Arnarson, fulltrúi frjálsra félagasamtaka í verkefnisstjórn um Rammaáætlun, flytja erindi um tillögudrög iðnaðarráðherra og umhverfisráðherra. Í kjölfarið verður opnað fyrir umræður.
Félagsmenn Landverndar og annað áhugafólk um náttúruvernd er hvatt til að mæta og taka þátt í umræðum um þetta mikilvæga mál. Heitt á könnunni.

Náttúruverndarsamtök vinna nú að sameiginlegri umsögn um tillögurnar, en umsagnarfrestur er til 11. nóvember. Landvernd hvetur almenning til að kynna sér tillögurnar og koma skoðunum sínum á framfæri.
Sjá myndband:
Tögg

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

2020-Halendi-islands-Chris-Burkard.jpg
Landvernd styður hugmyndir um Hálendisþjóðgarð og Þjóðgarðastofnun
Landvernd styður hugmyndir um Hálendisþjóðgarð og Þjóðgarðastofnun en nauðsynlegt er að koma í veg fyrir uppbyggingu orkuvera og miðlunarlóna á hálendinu enda skerðir það verðmæti svæðisins og er í trássi við náttúruverndarlög og alþjóðlegar skilgreiningar á þjóðgörðum.