Fréttir

Síðustu tölur - gleðilegt sumar

Landvernd    15.10.2008
Landvernd
Nú hefur síðasti Grænfáninn í bráð verið afhentur. 8. júní var fáninn góði dreginn að húni við leikskólann Álfheima á Selfossi við mikinn fögnuð. Nú hafa því 14 skólar á landinu náð þessum áfanga. Svo undarlega bregður þó við að eftir standa aðeins 13 fánar. Ástæðan er sú einn af okkar ágætu Grænfánaskólum, Þykkvabæjarskóli, var lagður niður sem sjálfstæð eining og sameinaður skólanum á Hellu. Í Þykkvabæjarskóla var unnið frábært starf en við trúum því að það flytjist á Hellu og margeflist þar í stórum skóla. Nýlega hafa tveir skólar skráð sig í verkefnið, Víkurskóli í Reykjavík og grunnskólinn á Drangsnesi. Í verkefninu Skólar á grænni grein eru því núna 21 grunnskóli og 8 leikskólar. Nú er sumarfrí í grunnskólum landsins og á þeim tíma verður starfsemi þessa verkefnis líka í lágmarki á skrifstofu Landverndar. Í haust komum við svo fílelfd til leiks og höldum áfram af krafti.

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

2020-Halendi-islands-Chris-Burkard.jpg
Landvernd styður hugmyndir um Hálendisþjóðgarð og Þjóðgarðastofnun
Landvernd styður hugmyndir um Hálendisþjóðgarð og Þjóðgarðastofnun en nauðsynlegt er að koma í veg fyrir uppbyggingu orkuvera og miðlunarlóna á hálendinu enda skerðir það verðmæti svæðisins og er í trássi við náttúruverndarlög og alþjóðlegar skilgreiningar á þjóðgörðum.