Stjórnsýslukærur

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Óheft malarnám veldur óþarfa spjöllum

Landvernd    4.6.2003
Landvernd

Stjórn Landverndar tekur undir þær athugasemdir sem fram hafa komið um náttúruspjöll vegna óhefts malarnáms í Ingólfsfjalli í Árnessýslu.

Stjórnin bendir á að til eru fjölmargir kostir til malarnáms og því er mögulegt að afla nauðsynlegra jarðefna án þess að spilla merkum jarðminjum og kennileitum í landslagi.

Stjórnin hvetur umhverfisráðherra, ríkisstjórnina og Alþingi til að gera nauðsynlegar breytingar á lögum svo koma megi í veg fyrir óþarfa spjöll á náttúru og landslagi vegna malartöku í eldri námum.

Þá hvetur stjórn Landverndar bæjaryfirvöld í Kópavogi, Seltjarnarnesi og sveitarfélaginu Ölfusi að grípa tafarlaust til aðgerða svo koma megi í veg fyrir að örlög Vífilsfells verði þau sömu og Ingólfsfjalls.

Samþykkt á stjórnarfundi 4. júní 2003.

Tögg

Vista sem PDF

Leita í kærum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!