Project Image

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Þriggja ára styrktarsamningur vegna Skóla á grænni grein í höfn

Landvernd    18.2.2019
Landvernd
UAR     Ráðherrar og framkvæmdarstjóri Landvernar skrifuð undir samninginn í Laugarnesskóla

Auður Önnu Magnúsdóttir, framkvæmdastjóri Landverndar, Guðmundur Ingi Guðbrandsson, umhverfis- og auðlindaráðherra og Lilja Alfreðsdóttir, mennta- og menningarmálaráðherra hafa undirritað þriggja ára styrktarsamning vegna Skóla á grænni grein, eða Grænfánaverkefnisins svokallaða.

Landvernd hefur umsjón með alþjóðlega verkefninu Skólar á grænni grein (e. Eco-Schools)

Skólar á grænni grein (e. Eco-Schools) er alþjóðlegt umhverfismenntarverkefni sem miðar m.a. að því að efla sjálfbærnimenntun, umhverfisvitund og samfélagskennd, veita nemendum menntun og færni til þess að fást við umhverfismál og styðja við umhverfisstefnur skóla.

Yfir 200 skólar taka þátt í verkefninu á Íslandi

Landvernd hefur rekið Skóla á grænni grein hér á landi í 18 ár en þeir skólar sem vilja komast á græna grein í umhverfismálum leitast við að stíga sjö skilgreind skref í umhverfismálum. Þegar því marki er náð fá skólarnir leyfi til að flagga grænfánanum næstu tvö ár en sú viðurkenning fæst endurnýjuð ef skólarnir halda áfram góðu og metnaðarfullu umhverfisstarfi.

Grænfánaverkefnið hefur áhrif

„Loftslagsbreytingar eru stærsta áskorunin sem við stöndum frammi fyrir og þekking, menntun og valdefling eru mikilvæg atriði í því samhengi. Grænafánaverkefnið hefur sannað sig sem frábært verkefni í umhverfismennt og samningurinn sem nú hefur verið undirritaður skiptir miklu máli fyrir menntun til sjálfbærni á Íslandi og aukna þekkingu um loftslagsbreytingar,“ sagði Guðmundur Ingi Guðbrandsson, umhverfis- og auðlindaráðherra af þessu tilefni.

„Grænfánaverkefnið fyllir mann bjartsýni. Framtíðin er unga fólksins og þau hafa sannarlega áhuga, metnað og frjóar hugmyndir á sviði umhverfismála. Það er komin góð reynsla á verkefnið og þar er mikilvægum fræjum sáð, ekki aðeins fyrir skólasamfélagið heldur samfélagið í heild sinni. Það var virkilega ánægjulegt að fræðast um metnaðarfullt umhverfisstarf í Laugarnesskóla og ég hlakka til að fylgjast með þróun verkefnisins í fleiri skólum,“ sagði Lilja Alfreðsdóttir mennta- og menningarmálaráðherra.

Góðar móttökur í Laugarnesskóla

Samningurinn var undirritaður í Laugarnesskóla í Reykjavík en skólinn hefur verið þátttakandi í verkefninu frá árinu 2009 og flaggar sínum fjórða grænfána. Nemendur í umhverfisnefnd tóku á móti ráðherrunum og sögðu þeim frá umhverfisstarfi skólans áður en samningurinn var undirritaður við morgunsöngstund á sal skólans. Í framhaldinu hófu nemendur upp raust og sungu m.a. umhverfislag Laugarnesskóla.

Þetta er í þriðja sinn sem langtímasamningur er gerður við Landvernd um Grænfánaverkefnið. Samningurinn tekur til ólíkra þátta í umhverfismennt nemenda í þátttökuskólum en að þessu sinni er sérstök áhersla lögð á aukna þekkingu um loftslagsbreytingar og þátttöku nemenda og kennara í að leita lausna innan skólasamfélagsins í því að takast á við þær. Er þetta m.a. í samræmi við aðgerðaáætlun ríkisstjórnarinnar í loftslagsmálum.

 

Tögg
IMG_1120 (1).jpg  Laugarnesskoli.jpg 

Vista sem PDF

Leita í umsögnum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!

Tillögur frá nokkrum hópum Landverndar um aðgerðir í Loftslagsmálum 30.12.2019

Landvernd gefur út rafbókina Hreint haf 21.8.2019

Sérfræðingur við verkefnið Skólar á grænni grein - Grænfánaverkefni Landverndar 18.5.2019

Ályktanir samþykktar á aðalfundi Landverndar 2019 7.5.2019

Umsögn um aðgerðaráætlun ríkisstjórnarinnar í loftslagsmálum 5.12.2018

Jóhanna Höskuldsdóttir 1.10.2018

Varðliðar umhverfisins 2018 25.4.2018

Rafræn jólagjöf frá Skólum á grænni grein 20.12.2017

Nemendur Grenivíkurskóla færa bæjarbúum jólagjöf 18.12.2017

Haustfréttabréf Skóla á grænni grein er komið út 9.11.2017

„Fræða en ekki hræða“ 31.10.2017

Hugmyndasamkeppni um Alviðru 16.3.2017

Caitlin Wilson 27.10.2016

Laus staða sérfræðings við Grænfánaverkefni Landverndar 18.5.2016

Kynning á rannsóknum um matarsóun í Reykjavík 26.11.2015

Stígum varlega til jarðar - álag ferðamennsku á náttúru Íslands 29.5.2015

Fimmtán samtök krefjast úrbóta fyrir Náttúrugripasafn 10.3.2015

Opnun rafrænnar verkefnakistu og Grænfánaafhending í Fjölbrautaskólanum við Ármúla 23.1.2015

Aukið samstarf eða sameining náttúruverndarfélaga 7.4.2014

Landvernd óskar eftir starfsmanni í Grænfánaverkefnið 15.7.2013

Grænfánaverkefnið verði eflt 15.4.2013

Umsögn um drög að lögum um loftslagsmál 20.2.2012

Salome Hallfreðsdóttir 4.2.2012

Ólöf Óskarsdóttir 4.2.2012

Skólar á grænni yfir 200 1.12.2011

Saga FEE(E) 17.11.2010

Leiðbeinendanámskeið 15.10.2008